Որոնում

Tuesday, June 5, 2018

Ստիկերների անհավանական հնարավորությունների մասին. մաս 1-ին

ժամանց ստիկերներովՍա Արեգի ինքնասոսնձվող պատկերների (տիպ) ալբոմն է։

Ցանկացած ձանձրալի իրավիճակում, այն հասնում է օգնության ։)

Ի՞նչ է անհրաժեշտ նման տետր-փրկարար ունենալու համար․
  1. Վերցնել ամենասովորական և մատչելի նոթատետր։
  2. Գնել տարաբնույթ տիպեր՝ ոչ միաժամանակ, այլ պարբերաբար, երբ մի հավաքածուն կսպառվի, գնեք նորը։ Սովորաբար մեկ հավաքածուն (մոտ 30 ստիկեր) մի քանի օր բավարարում է։
  3. Եվ զվարճանալ։
Ինչպես և ցանկացած այլ զբաղմունքի ժամանակ, շատ կարևոր է չկենտրոնանալ արդյունքի վրա, չպարտադրել երեխային ստանալ ձեր պատկերացրած գեղեցիկ կոլաժը, այլ ստեղծագործելու հնարավորություն տալ և վայելել ընթացքը։ 

ժամանց ստիկերներով

Օրինակ՝ Արեգը երբեմն նկարում է հենց ստիկերների վրա և դա իրեն մեծ բավականություն է պատճառում։
ստիկերներով խաղեր
Ինքնասոսնձվող պատկերները կպցնելիս սովորաբար պատմություններ ենք հորինում հերոսների մասին կամ իրար մոտ գտնվող կենդանիներին հորդորում ենք չկռվել, այլ խելոք խաղալ։ Արեգը սովորաբար շատ լավ մտապահում է այդ պատմությունները, և յուրաքանչյուր էջը բացելիս իր իմացած բառերով կամ ժեստերով վերապատմում է այն, ինչի մասին խոսել ենք էջը ձևավորելիս։
Ստիկերներով խաղեր
Երբեմն ալբոմը թերթում ենք ոչ թե տիպեր կպցնելու նպատակով, այլ արդեն կպցրած պատկերները նայելու, մեր հորինած պատմությունները վերապատմելու համար։ Սա շատ օգտակար զբաղմունք է ոչ միայն ժամանցի տեսակետից, այլև նոր բառեր յուրացնելու առումով։
խաղ ստիկերներով
Ստիկերները տարբեր մակերեսներ են ունենում՝ երբեմն դրանք ուռուցիկ են, երբեմն որոշ ուռուցիկ դետալներ ունեն։ Որոշները հաստ են, մյուսները հակառակը՝ շատ բարակ։ Այս բոլոր առանձնահատկությունները տարբեր փորձառություններ են տալիս երեխային։

ստիկերների ալբոմ
Երեխան սովորում է՝
  • ինքնուրույն առանձնացնել կպչուն պատկերները, ինչը համաձայնեք՝ հեշտ գործ չէ,
  • որոշումներ կայացնել (ինչպես համադրի, որ հետաքրքիր ստացվի, իրար վրա չհայտնվեն, էջից դուրս չգա և այլն)
զարգացնում է՝
  • մանր շարժումներ անելու հմտությունները, 
  • մանր դետալների հետ աշխատելու համբերատարություն,
  • տեսողական հիշողություն,
  • երևակայություն և այլն։
Ալբոմից բացի հրաշալի տարբերակ է նաև «ցուցադրական» կամ «հուշանվերային» կոլաժների պատրաստումը։ Օրինակ՝ Արեգն իր տատիկի հետ երբեմն այսպիսի աշխատանքներ է պատրաստում, որոնք կախվում են պատից և ցուցադրվում օրվա ընթացքում, իսկ երեկոյան երբ տան անդամները վերադառնում են աշխատանքից, մեծ անհամբերությամբ նվիրում է իր պատրաստածները։ Ի դեպ, նման աշխատանքներ նվեր ենք ստանում ոչ միայն մենք՝ ընտանիքի անդամներս, այլև տուն եկող հյուրերը։
հուշանվերներ կարող են պատրաստել անգամ ամենափոքրերը
հուշանվերներ կարող են պատրաստել անգամ ամենափոքրերը
Երբեմն նման աշխատանքները կարևոր պահուստային ռեսուրս կարող են լինել։) Օրինակ, երբ առավոտյան Արեգը չէր ուզում բաժանվել ինձնից և հայրիկից, տատիկ-պապիկի տուն գնալու հրաշալի մոտիվացիա ծառայեց մի քանի օր առաջ պատրաստած այս ուսուցողական պաստառը, որը մենք մեզ հետ տարանք՝ տատիկին և պապիկին նվիրելու և զարմացնելու նպատակով :))))

ստիկերներից պատրաստված ուսուցողական պաստառ

No comments:

Post a Comment